Die karkas van ʼn groot wilde kat is Vrydagoggend in Johannesburg se middestad aangetref.
“Iemand het die dier met ʼn skerp voorwerp doodgesteek, ons weet nie hoekom nie,” het inspekteur Edna Mamonyane, ʼn woordvoerder van die Johannesburgse metropolisie, gesê.
“Die moontlikheid bestaan dat die kat êrens anders doodgemaak is, waarna die karkas daar gestort is.” Sy het gesê volgens ʼn beampte op die toneel is die kat glo ʼn jagluiperd
Die metropolisie is steeds op die toneel. Die Dierebeskermingsvereniging is na die toneel ontbied. Meer inligting oor die voorval is nog nie bekend nie.
Jagluiperd? Dan is ek seke ‘n leeu…….
‘n JAGLUIPERD!!! HAHAHAHA!!! Ek sou wou sien hoe iemand so een met n skerp voorwerp dood steek. Dit is n tierboskat. Maak jag op klein tot medium voëls, knaagdiere en insekte.
http://kruger.weg.co.za/soogdiere/roofdiere/tierboskat/
Dit is n redelike bedreigde spesie, jammer hy of sy is dood.
Is dit nie die tierboskat wat verlede week uit die Rietvlei Natuurreservaat ontsnap het nie? Dit is so jammer hy is dood
Wou hom seker tand
Arme tierboskat. Vir wat moes hulle hom doodmaak??? hy sal nie ‘n mens aanval nie. Wonder of dit die een is wat weggeraak het laasweek by Rietvleidam? Rus in Vrede arme katjie!
Ai my hart is baie seer oor die mooie Tierboskat wat doodgemaak is, kan mense nie hulle hande afhou van diere nie, hoekom altyd doodmaak. Die Tierboskat sou niemand aangeval het nie, en was net op soek na ietsie om te eet.
ons bly mos in ‘n barbaarse land; alles moet doodgemaak en vernietig word….
So lieflike dier – vir wat moet mense net altyd wil DOODMAAK? Liewe hemel as mense nie weet wat om te doen kry dadelik FreeMe wildlife se mense uit, hulle rehabiliteer en laat weer vry in die wild. Ai tog verbrands!!! Ek is nou regtig baie kwaad.
Die kat was bestem vir sangoma muti.
Tipies. Oningeligte idiote! Ek het so geweet die arme dier gaan so opeindig. Al wat hierdie land se mense ken is doodmaak, aanrand, verkrag, plunder, vat wat hulle wil en vernietig.
Daar is regte maniere om dinge te doen in die lewe maar die slimkoppe doen mos met trots wat hulle wil. Mag die een wat hierdie dier doodgemaak het so groot kramp kry dat hy/sy vir die res van sy lewe nie kan sit nie.
My hart is so seer oor die dood van hierdie pragtige dier.
Dis mos nou wragtig onnodig soos so baie ander dinge in hierdie pragtige land van ons.
Hoe de joos?
Mag die ou wat dit gedoen het vrek sonder siekte!
Mense het nie eens meer respek vir mekaar nie, hoekom sal hul respek he vir n arme dier. As hul mense kan vermoor kan hul diere ook vermoor.
Dit is defnitief die tierboskat wat uit die Rietvlei natuurreservaat gekom het! Hoe onnosel en wreed kan enige persoon wees om so dier te dood, en dan net so in die stedelike gebied te gooi! Dis ‘n skande, ons bly in Afrika, maar het nie respek vir ons eie kontinent se pragtige diere nie!!