Drakensberg-wêreldrekord: Hulle het dit gedoen!

Ryan Sandes Foto: Ryan Sandes, Facebook

Ryan Sandes Foto: Ryan Sandes, Facebook

Kyk ook na die interessante grafika onderaan die berig. Ryan Sandes en Ryno Griesel het Dinsdag ʼn nuwe wêreldrekord opstel toe hulle die Drakensberg in minder as 42 uur oorgesteek het.

Die roete was 207 km lank en het van die Sentinel-motorparkering in die noorde tot by Bushman’s Nek-grenspos in die suide gestrek. Sandes en Griesel het dit binne 41 uur, 49 minute voltooi. Die roete neem ervare stappers gewoonlik tussen ses en 10 dae om te voltooi.

Die twee roetedraf-marathonatlete moes self hul eie toerusting dra met geen vorm van ondersteuning al langs die roete nie.

Hulle het 41 ure lank gehardloop en slegs sowat 40 minute lank geslaap.

Die vorige rekord was 60 ure, 29 minute en 30 sekondes wat in April 2010 deur die einste Griesel en Cobus van Zyl opgestel is.

Sandes het al op elke kontinent ʼn ultra-roetedrafmarathon gewen.

Klik hier vir meer inligting oor die roete en hul prestasie.

Lees ook:
Video: Atlete mik na rekord vir 220 km oor die berge

Grafika: Red Bull

Grafika: Red Bull

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae