Drawwer erg beseer ná sy in ravyn afval

Foto: ER24

Foto: ER24

ʼn Jong vrou moes Dinsdagmiddag uit ʼn ravyn in Kloof, KwaZulu-Natal gered word nadat sy geval en ernstige beserings aan haar rug en bene opgedoen het.

Russel Meiring, woordvoerder van ER24, het gesê paramedici is saam met die brandweerdienste en ʼn reddingspan na die toneel ontbied. Hulle het die 19-jarige vrou gesien waar sy aan die onderkant van ʼn krans lê waar sy vroeër gehardloop het.

“Reddingswerkers moes spesialis-toerusting gebruik om in die ravyn af te beweeg na waar die vrou was. Sy is daar op ʼn spesiale draagbaar geplaas en teruggebring na die pad aan die bokant van die ravyn,” het Meiring gesê.

Hy het gesê die vrou het glo gereeld in die gebied gaan draf en het die dag glo gegly en in die ravyn geval. Sy is na die Hillcrest-hospitaal gehaas.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

8 Kommentare

Reinhardt ·

Ek praat onder korreksie, maar ek dink dis n kloof. Dalk effens anders, maar dis hoe ek dit verstaan.

Karma ·

@Eddie (en ander) – ‘n ravyn (Eng.: “ravine”) is ‘n kloof – letterlik ‘n opening in rots – dikwels deur water (rivier) weggekalf wat breed bo begin en al hoe nouer afloop na onder.

Rowan ·

Eddie,dit is nog n voorbeeld van hoe ons taal deur swak taalgebruik verkrag word. Dit is n direkte vertaling van die woord ravine, wat eintlik n diep kloof is. Nou gaan dit weer vir my gesê word dit is n erkende afrikaanse woord. Sies Maroela!

Sune van Heerden ·

Dagsê Rowan

Die woord “ravyn” kom via Frans oorspronklik uit Latyn rapere (“gryp”). Dit is ‘n smal, nou kloof met skerp kante, gewoonlik deur water ingevreet. (Uit: Handwoordeboek vir die Afrikaanse Taal). Dit is die Afrikaanse vertaling van “gorge”.

Groetnis
Suné
nms Maroela Media

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.