ʼn Swerm bye het drie bejaardes by ʼn ouetehuis in Musgrave, KwaZulu-Natal, aangeval.
Volgens Russel Meiring, woordvoerder van ER24, het twee mans en ʼn vrou buite in die tuin van die ouetehuis gesit, toe hulle aangeval en verskeie kere deur die bye gesteek is. “Paramedici het die slagoffers op die toneel behandel voordat hulle na die Entabeni-hospitaal geneem is vir verdere mediese sorg.”