Drie mense, een van hulle is in ʼn kritieke toestand, is beseer in ’n ontploffing Vrydagoggend by ’n substasie in KwaZulu-Natal.
Die presiese omstandighede met betrekking tot die ontploffing is nie in dié stadium duidelik nie.
Russel Meiring, woordvoerder van ER24, sê ’n kollega van een van die beseerdes het paramedici naby die betrokke substasie in Kloof, noordwes van Durban, voorgekeer en om hulp gevra.
Paramedici het toe op die toneel ’n man met ernstige brandwonde agter in ’n voertuig aangetref. Die man was in ’n kritieke toestand.
Die man is op die toneel behandel voordat hy na ’n nabygeleë hospitaal vervoer is vir dringende mediese behandeling.
Nog twee mans is in die ontploffing beseer. Albei is op die toneel behandel voordat hulle deur ander ambulansdienste na nabygeleë hospitale geneem is.
Die plaaslike owerhede was vanoggend op die toneel.
Ek wonder of hulle intandhouding gaan doen het of sommer dalk net bietjie daar rondgekyk het…..
Ja so sal ons nooit weet nie!
…..en window shopping gedoen het.