Drie beseer toe gebou brand

Brand by die gebou in Bacusweg, Clairwood in Durban op 29 April 2016 (Foto: Rescua Care)

Brand by die gebou in Bacusweg, Clairwood in Durban op 29 April 2016 (Foto: Rescua Care)

Drie persone is Vrydagmiddag beseer toe ʼn brand uitgebreek het in ʼn gebou in Durban, KwaZulu-Natal.

“Die brand het omstreeks 16:00 by ʼn perseel in Bacusweg in Clairwood uitgebreek,” het Garrith Jamieson, woordvoerder van Rescue Care, gesê. Die brand het by ʼn klerewinkel uitgebreek.

“Die Durbanse brandweer was reeds besig om die strukturele brand te blus toe paramedici by die toneel opgedaag het,” het hy bygevoeg. Twee persone het uit paniek uit ʼn venster op die eerste verdieping gespring. “Paramedici het die twee persone behandel voordat hulle na ʼn nabygeleë hospitaal geneem is vir verdere behandeling.”

Een persoon is op die toneel behandel vir beserings wat hy weens die brand opgedoen het en is ook na ʼn hospitaal geneem.

Minstens vier brandbestryders het gepoog om die brand te blus.

“Dis nog nie duidelik waarom die brand ontstaan het nie. Die polisie stel ondersoek in.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae