Foto verskaf deur ER24
Drie persone is Vrydagmiddag in Glenwood, KwaZulu-Natal beseer toe ʼn taxi deur ʼn muur gebars en ʼn huis getref het.
Russel Meiring, woordvoerder van ER24, het gesê die bestuurder van die taxi het beheer verloor oor die voertuig. “Die minibustaxi was tussen ʼn muur en die huis vasgekeer toe paramedici by die toneel opgedaag het.”
“Die taxibestuurder het ernstige beserings opgedoen en twee persone het matige beserings opgedoen,” het hy gesê. Hulle is na nabygeleë hospitale geneem.
Owerhede was op die toneel en stel verder ondersoek in.
Die Taxi het die huis binnegeval.
‘Vasgekeer’? Word dit nie gebruik vir iets lewendigs? Eerder ’tot stilstand gekom’, ‘aangetref’.
Dit gebeur wanneer jy mak raak op die pad.
hy het nie beheer verloor nie, dis ‘n voertuig wat nie pad- waardig / -vaardig is nie , slaap en spoed, wat so iets kan regkry
Jy’s reg met padwaardig leser, want dit vaar nie.
Die keer het sy kortpad toe nie gewerk nie!