Drie verdagtes, onderskeidelik 20, 26 en 26 jaar oud, is Vrydagaand binne ʼn uur ná ʼn gewapende roof in die Oos-Kaap vasgetrek.
Kol. Priscilla Naidu, woordvoerder van die polisie, het gesê die rowers is deur die polisie se honde-eenheid en Port Elizabeth se blitspatrollie vasgetrek.
Die rooftog het omstreeks 18:30 by ʼn kitskoswinkel in Circularweg in Port Elizabeth plaasgevind.
“Een man het ʼn bottel water versoek en terwyl die assistent die water gaan haal het, het hy ʼn vuurwapen uitgeruk en kontant geëis. Kontant is ook uit die kasregister gesteel,” het Naidu gesê.
Volgens haar is ʼn paniekknoppie geaktiveer en die drie het gevlug. “Beeldmateriaal wys hoe hulle in ʼn silwer VW Polo spring. Ná hulle die beeldmateriaal besigtig het, het die blitspatrollie en die honde-eenheid die voertuig gaan soek.”
Die voertuig is kort ná die voorval in Parlementstraat gewaar. “Die beamptes het die pad afgesper. Die verdagte voertuig is in Lawrenceweg in ʼn hoek gekeer en drie mense in hegtenis geneem.”
Volgens Naidu is van die gesteelde goedere en ʼn speelgoedvuurwapen in die voertuig aangetref.
Die verdagtes sal Maandag in die hof verskyn op aanklag van gewapende roof.
As daar reg op getreë word is opspooring maklik.
Is die Falke nou die spesialis eenheid wat tansitorooftogte ondersoek?
Nee Bok, dit is die aasvoels.
Om n ondersoek te doen is die vereiste dat jy moet kan lees en skryf nou hoeveel van die blou bendes voldoen aan die kriteria?
Die lot blyk te voldoen aan die vereistes. Gelukkig kan ‘n klein persentasie darem lees. Ongelukkig doen dit nie veel om die polisie se reputasie te verhoog. Mooi so aan die eenhede wat sulke werk verrig. Kort ongelukkig meer van hulle.
Mooi so SAPD!
So van “kan lees en skryf” gepraat, ek verkies nog maar om na Falcons in Afrikaans as Valke te verwys :-)