Argieffoto (Foto: Dingeman, Wikimedia Commons)
ʼn Taakspan is op die been gebring om die moord op drie mans by ʼn inisiasieskool in die Oos-Kaap te ondersoek.
Drie mans, tussen 19 en 20 jaar oud, is Saterdag dood aangetref in ʼn tradisionele inisiasiehut in Jojweni naby Tsomo. Al drie het verskeie skietwonde opgedoen.
Volgens kapt. Khaya Tonjeni, polisiewoordvoerder, is die drie jong mans Vrydag laatmiddag die laaste keer lewend gesien.
“Die polisie het ʼn 72-uur-aksieplan in werking gestel en ʼn taakspan saamgestel om die verdagte/s vas te trek.”
Drie sake van moord word ondersoek. Enigiemand met inligting oor die voorval word versoek om die ondersoekbeampte, kapt. Stephens Reeders, te kontak by 082 441 8602 of Stop Misdaad by 08600 10111.
