(Foto: Verskaf)
Drie mense is dood en 13 beseer toe ’n motor en bakkie Donderdag reg van voor op die R524 naby Tshakuma in Vhembe, Limpopo, gebots het.
Mike Maringa, provinsiale woordvoerder van die departement van vervoer, sê daar word gemeen dat die bestuurder van die motor roekeloos bestuur het waarna die voertuig reg van voor met ’n bakkie gebots het.
Drie mense, twee van hulle insittendes van die motor, is op die toneel dood verklaar.
Een persoon is ná die botsing in ’n kritieke toestand na die Tshilidzini-hospitaal in Thohoyandou gehaas terwyl 12 ander ligte beserings opgedoen het.
Dié botsing is een van verskeie die afgelope week in Limpopo. Mavhungu Lerule-Ramakhanya, LUR vir vervoer en gemeenskapsveiligheid, sê sy is bekommerd oor die toenemende aantal noodlottige ongelukke in die provinsie.
Ek kan nie mooi sien op die foto watter bakkie dit is nie maar as daar selfs 10 mense agterop was, was dit moontlik oorlaai (10 mense van gemiddeld 60 kg elk, baie konservatief, is klaar 600 kg). Ek het eenkeer n kleinerige vrag kitsgras op my halfton bakkie vervoer en dit het gevoel asof ek in n skip is op redelik onstuimige water. Die bakkie was hoogs onstabiel en enige skielike draai van die stuurwiel sou my omdop. Die arme mense op die oop bakkie het geen beskerming nie.
Toyota LWB 1 Ton
Ry in die reën, ry in die skemer of ry in die donker, ligte aansit is mos vir ander padgebruikers!! Toe ek eendag iemand vra hoekom ry hy in die donker sonder sy ligte was sy antwoord maar hy sien nog goed sonder ligte….
Wys jou net die selfsugtige mentaliteit.
Kop aan kop botsing dui op roekelose bestuur van ten minste een van die bestuurders.Hoeveel pssasiers mag jy op ‘n bakkie laai.
Mag daar passesiers agterop n bakkie wees?
Is daar nie ‘n wet teen mense agterop ‘n bakkie nie?