Pieter Rossouw, woordvoerder van ER24, het gesê die twee motors het teen mekaar gebots op die hoofweg naby die Spineweg-afrit. Al ses mense is uit die voertuie geslinger.
“Drie van die insittendes is op die toneel dood en die ander passasiers is in ʼn kritieke toestand,” het Rossouw gesê. Die beseerdes is onderskeidelik na die Tygerberg- en Groote Schuur-hospitaal gehaas.
“Dit is nie in hierdie stadium duidelik hoe die botsing plaasgevind het nie, maar die polisie is op die toneel om die ongeluk te ondersoek,” het hy gesê.