Drie dood ná hulle gif inkry

Argieffoto: http://www.jameschesley.com/

ʼn Ma van Noordwes is dood nadat sy drie van haar kinders gif ingegee het voordat sy glo ook self daarvan ingeneem het.

Susanna Dantjie, waarnemende provinsiale sekretaris van die ANC in Noordwes, het Donderdag gesê die vrou van Tshing naby Ventersdorp het glo Saterdag vir haar kinders die gif ingegee.

Volgens Dantjie het die ma die gif in sjokolade gesit wat sy vir haar drie kinders, onderskeidelik nege maande, vyf jaar en nege jaar oud, gegee het. Sy het daarna vir die kinders sap gegee om die sjokolade mee af te sluk.

Volgens Dantjie het die ma daarna na bewering ook van die gif ingeneem.

Die hele gesin is na ʼn nabygeleë kliniek geneem, waarna hulle na die Chris Hani Baragwanath-hospitaal in Soweto oorgeplaas is.

Volgens Dantjie het die twee jongste kinders met hul aankoms by die hospitaal gesterf, terwyl die ma Maandag in die vroeë oggendure dood is.

“Die oudste seun veg steeds om sy lewe in die waakeenheid,” het sy gesê.

Die Noordwes-polisie was nie onmiddellik beskikbaar vir kommentaar nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

6 Kommentare

Gestremde ·

Sies vir die ANC. Kon niks doen om die land te verbeter of om werk te skep nie. In plaas daarvan word die land geplunder met bedrog en valse beloftes. Dit is die gevolge van mense wat nie meer kans sien om te lewe nie. Innige simpatie met die familie van die oorledenes.

Cherokee ·

Ek wou hierdie kommentaar vroeër geplaas het, maar het daarteen besluit totdat Kopskud se kommentaar my oorreed het om dit te doen.

‘Laaste sin – Noordwes polisie was nie onmiddelik beskikbaar vir kommentaar nie’.
Miskien behoort geen Kommentator by hierdie berig beskikbaar wees vir kommentaar nie. Nie nou of selfs later nie. Bly net stil.

Cherokee ·

Want wat jy sê, mag baie slim of baie dom wees. Sê dit dus liewer nie.

Driekie ·

Almal simpatiseer nadat iets afgrysliks gebeur het… Hoekom help mense nie die wanneer hulle weet daar is nood en wanneer die ma’s hulself selfs verneder om hulp te vra nie??!!

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.