Drie dood, vier beseer in botsing

Foto: ER24

Foto: ER24

Twee mans en ʼn vrou is dood toe twee voertuie teen mekaar gebots het op die N2 buite Kaapstad.

Chitra Bodasing, woordvoerder van ER24, het gesê ʼn minibustaxi en ʼn Toyota Avanza het Vrydagaand naby Spineweg in Khayelitsha gebots. Volgens Bodasing was ʼn man en ʼn vrou in die Avanza vasgekeer. Paramedici het hulle ondersoek en albei is op die toneel dood verklaar. Hul liggame is met meganiese toerusting uit die wrak verwyder.

Volgens Bodasing is een van die taxi se passasiers glo tydens die botsing uit die voertuig geslinger. Hy is op die toneel dood verklaar. Twee kinders, tussen drie en nege jaar oud, het ernstige beserings opgedoen. Bodasing het gesê twee mans het ligte beserings opgedoen. Die beseerdes is op die toneel behandel voordat hulle na nabygeleë hospitale geneem is vir verdere mediese sorg.

Die presiese oorsaak van die ongeluk word ondersoek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

2 Kommentare

Peet Schabort ·

N2 = snelweg = eenrigting verkeer = genoeg bane = hou in jou baan = MOENIE deur verkeer vleg = spoed BINNE perke = GEDULD + wakker bly.
Heel eenvoudig want selfs ek kan dit verstaan.

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.