Gabisile Shabane. Foto: Verskaf
Drie mans is die week tot twee keer lewenslange tronkstraf en ’n bykomende 27 jaar gevangenisstraf elk gevonnis vir die gru-moord op ’n 13-jarige meisie en haar 15 maande oue nefie in Januarie 2018.
Thokozani Msibi, Knowledge Mhlanga en Brilliant Mkhize is in die hooggeregshof in Middelburg, Mpumalanga, gevonnis in verband met die moord op Gabisile Shabane (13), wat albinisme gehad het, en haar 15 maande oue nefie, Nkosikhona Ngwenya.
Die twee kinders is van hul huis in Vosman ontvoer. Nkosikhona is vermoor en sy lykie is in ’n rivier gegooi. Gabisile is ook vermoor en onthoof. Van haar liggaamsdele is vir moetie-doeleindes gevat en die res van haar oorskot is in ʼn vlak graf by Cullinan in Gauteng begrawe.
Themba Thubane (41) het reeds in Augustus 2019 skuldig gepleit op aanklag van die moorde en is tot twee keer lewenslange en ’n bykomende vyf jaar tronkstraf gevonnis.
Msibi, Mhlanga en Mkhize het egter skuld ontken, maar is uiteindelik skuldig bevind op onder meer twee aanklagte van moord, twee aanklagte van ontvoering, huisbraak met die opset om te moor en die skending van ’n lyk.
Monica Nyuswa, provinsiale woordvoerder van die Nasionale Vervolgingsgesag (NVG), het gesê daar is tydens die saak onder meer getuienis aangehoor van die slagoffers se ouers, ’n vingerafdrukkenner en ’n tradisionele geneser van Eswatini (Swaziland).
Die tradisionele geneser het onder meer getuig dat die beskuldigdes hom geraadpleeg het om moetie te kry ten einde inhegtenisneming te ontduik. Hulle het ook aan hom erken dat hulle die twee kinders vermoor het, waarna hy die polisie in kennis gestel het.
Die NVG het die vonnis verwelkom.
Maar ons moet die knieg buig.
Hoe is dit moontlik dat ‘n moordsaak amper 4 jaar vat ? Maar nouja oud tronkvoël Zuma s’n vat al 20 jaar. SKANDE regstelsel skande.
As jy ‘n boer is wat vandag Vrydag 29 October vermoor is, en die moordenaars word gevang kan jy verwag dat saak eers in October 2021 tot ‘n einde kom. Dink net oor die 3.5 jaar moet die famulies wag vir geregtigheid!
Bring die doodstraf terug!!!
Skuus mense – October 2024.
Afskuwelik. So ‘n mens het, wat my aanbetref, geen reg om verder te lewe nie!!
Die mens is SIEK verby !!
Nou wys asb die moordenaars se gevrete.