Drie gou vas ná rooftog by juweliers

Foto verskaf deur die SAPD

Foto verskaf deur die SAPD

Die polisie in die Wes-Kaap het Dinsdag drie mans in hegtenis geneem in verband met ʼn gewapende roof by ʼn juwelierswarewinkel in Caledon.

“Lede van die Grabouw-polisie het omstreeks 10:35 reageer op inligting oor ʼn donkerrooikleurige Jeep met drie verdagtes wat glo betrokke was by die rooftog,” het kapt. FC van Wyk gesê. “ʼn Onbekende gewapende man het die winkel omstreeks 10:10 betree en die twee winkelassistente gedreig terwyl nog ʼn verdagte die winkel met sakke en plastiekkabelbindertjies betree het.”

Die alarm het afgegaan en die verdagtes het van die toneel gevlug. “Die polisie is in kennis gestel van die voorval en ʼn algemene aankondiging is na al die polisiestasies in die gebied gemaak,” het Van Wyk bygevoeg.

Die voertuig is op die N2 buite Grabouw voorgekeer. “Drie verdagtes, wat voldoen aan die beskrywing wat verskaf is, tussen 26 en 31 jaar oud, is in hegtenis geneem. Die polisie het op die toneel beslag gelê op twee 9 mm-pistole, een .38-rewolwer en ammunisie. Die vuurwapens se reeksnommers is afgevyl.”

Die verdagtes sal binnekort in die Caledon-landdroshof verskyn.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

4 Kommentare

E Lombaard ·

Alle eer vir hierdie inligting / arrestasie kom die 2 Telkom ondersoekers toe wat die verdagte voertuig opgemerk, vir kilometers aaneen op die N2 agtervolg het en die hulp van die SAPS ingeroep het.

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.