Drie in hof ná Matie se moord

Hannah Cornelius. Foto: Facebook.

Drie verdagtes verskyn na verwagting Maandag in die Stellenbosch-landdroshof in verband met ʼn kapingsvoorval waartydens Hannah Cornelius (21), ʼn student aan die Universiteit Stellenbosch, vermoor en haar vriend ernstig beseer is.

Cornelius en haar vriend, ʼn manstudent aan die US, was Vrydagaand slagoffers van ʼn kapingsvoorval in Stellenbosch. Cornelius is vermoedelik ontvoer terwyl haar vriend tydens die kaping uit die motor kon kom of uitgegooi is. Hy het vermoedelik kopbeserings opgedoen.

Sers. Noloyiso Rwexana, woordvoerder van die polisie, het vroeër aan Maroela Media gesê drie mans het die blou VW Citi Golf [waarin Cornelius en haar vriend gery het] gekaap.

Cornelius se liggaam is Saterdag omstreeks 08:30 “met beserings” naby ʼn plaas op die Knorhoekpad buite Stellenbosch aangetref. Haar vriend het ernstige beserings tydens die voorval opgedoen en is na ʼn nabygeleë hospitaal gehaas vir mediese behandeling.

Kapt. FC van Wyk, provinsiale polisiewoordvoerder, het Maandag aan Maroela Media bevestig drie mans, onderskeidelik 26, 28 en 32 jaar oud, is reeds in hegtenis geneem nadat die gekaapte voertuig in hul besit gevind is. Die polisie het op die voertuig beslag gelê.

Dit is nog nie duidelik of die verdagtes net vir die besit van ʼn gekaapte voertuig aangekla gaan word, of ook van moord en poging tot moord nie.

Van Wyk het gesê die polisie ondersoek ʼn saak van moord, poging tot moord en kaping. Die ondersoek duur voort.

Personeel van die US se afdeling studentesake was Saterdagaand met Cornelius se ouers oor die voorval in verbinding om ondersteuning te bied.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

24 Kommentare

jongste oudste gewildste
Cacophony

Ons stuur ons kinders universiteit toe om ‘n nuwe wêreld te ontdek maar dit wil voorkom asof al wat hulle ontdek moord en roof is. Dis belaglik dat ons soos diere behandel word waarop daar nou jag gemaak word

al

Waarom moor as jy gekom het om te roof? Dis omdat hul moordenaars in murg en been is. In Amerika en elders sou hul geboet het vir hul dade en 40 jr plus gesit het.
In Suid Afrika word hul maklik gevonnis vir 15 jr. Ñ Belaglike vonnis aangesien jy iemand se reg om te lewe, dit van hom geneem het.
Mag haar pa hierdie ñ crusade maak vir strenger vonnisse teen geweldsmisdaad.

henk

Waarom nie dadelik vir moord aangekla nie wil ek weet?
Ook poging tot moord en kaping.
Het die pragtige jong dame gesterf of nie? Sy is met ‘n skroewerdraaier aangeval en verwurg!
So waarom twyfel.

Johan. H.

Ek hoop hulle gaan nou die maksimum kry siende dat die ouers regsgeleerdes is en dat hulle hulself beaarby vir baie langer vonnise vir moord en roof, ,,. Jammer ouers , ons is met julle,,ander alternatief is natuurlik n oog vir n oog — julle ken mos ook mense?

Wouter

Dit kan oral gebeur, maar Stellenbosch nou ñ dwelmbos en skelmbos. Die plek was my hart se punt tot ek getrek het. Net spyt ek het dit te laat besef.