Drie in hof vir wapens, horings

Twee van die drie verdagtes wat Donderdag in die hof verskyn het. (Foto: SA Polisie)

WAARSKUWING: Hierdie berig bevat foto’s wat sommige lesers kan ontstel en nie geskik is vir kinders nie.

Drie mans wat Dinsdag in hegtenis geneem is op aanklagte van die onwettige besit van vuurwapens en oortredings van die Wet op Nasionale Omgewingsbestuur en Biodiversiteit (Nemba), het vroeër vandag vlugtig in onderskeidelik die Klerksdorp- en Jouberton-landdroshof in Noordwes verskyn.

Die mans, onderskeidelik 23, 35 en 43 jaar oud, is in ʼn intelligensie-gedrewe operasie deur die Valke, die polisie se intervensie-eenheid, asook die eenheid wat onwettige mynbedrywighede ondersoek, in hegtenis geneem.

Nog een van die verdagtes. (Foto: SA Polisie)

Kapt. Tlangelani Rikhotso, woordvoerder van die Valke, het gesê die eerste verdagte is op ʼn plaas naby Klerksdorp in hegtenis geneem. Hy is in besit van ʼn jaggeweer, haelgeweer, rewolwer, pistool en ʼn groot aantal leë koeëldoppies en ammunisie gevind.

“Verdere ondersoek het die span gelei na nóg ʼn plaas, naby Hartbeesfontein, waar nog twee verdagtes in hegtenis geneem is. ʼn Verskeidenheid vuurwapens, waaronder ʼn jaggeweer, pistool en rewolwer, is gevind,” het Rikhotso gesê.

Die polisie het ook beslag gelê op 100 renosterhorings, vier tierkarkasse en Amerikaanse dollar ten bedrae van sowat R15 000.

Die ondersoek duur intussen voort.

Rikhotso het gesê die saak teen die mans is tot 15 Desember uitgestel, wanneer hulle na verwagting aansoek om borgtog gaan doen.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

15 Kommentare

Annelie du Plessis ·

Wat ñ skande, sluit hul toe en gooi die sleutels vir altyd weg. Ons is veronderstel om dit wat deur God geskape is, op te pas, nie vir Mamod te offer nie. So teleurgestel in dié mensdom se sug na maklik geld verdien as om hard te werk daarvoor.

Cornel Rothmann ·

Kry vir julle! Seker gedink julle gaan wegkom. Verdiende loon

Anti Da ·

Lewenslank. Die kopers oorsee sal natuurlik skotvry afkom.

HB ·

Hierdie is seker maar weer een van die gevalle waar daar gejaag word vir skatte wat roes en mot verteer. Geen borgtog asb. Hulle gaan net weer verder met hulle bedryf aangaan.

Peet ·

15 Desember is ñ Sondag in watter hof gaan hulle op ñ Sondag verskyn?

SjN ·

Peet, alle vergaderings en besluite word deesdae op n Sondag gedoen, die hofamptenare gaan dubbel vergoeding kry die 15 de. Slim ne.

Boerin ·

Stadig oor die klippe. Onthou, die handel in renosterhoring in suid Afrika is wettig! Renosters word onthoring, nie noodwendiglik geskiet nie. Wapens kan wapens wees waarvan die lisensies net verval het, wapens uit n boedel, of van n Pa of Oupa wat oorlede is. Moenie so vinnig wees om te kritiseer nie, die polisie hou daarvan om n storie vreeslik op te blaas as hulle veral witmense, in hegtenis neem. Ek weet van hoeveel mense wat al aangekla is van onwettige wapenbesit, waarvan die saak uit die hof gegooi is.
Sterkte aan almal betrokke indien dit n opgeblaasde saak is.

Izak ·

Asb Boerin,100 horings? beslis misdadigheid betrokke, en die tiervel?

Attie. ·

Ek wil net vir Boerin daarop wys dat wettig onthoringde renosters se horings nie verkoop mag word nie, dis ‘n uiters simpel wet wat meehelp dat renosterhoring skaars bly en dus meehelp dat renosters gestroop word. Tiere en ander roofdiere se skelet (bene, tande en naels) gaan enorme pryse op die smokkelmark en die besit van 100 renosterhorings vertel vir enige aap wat die ware storie is. Dis nie nodig om die skurke te verdedig nie. Laat dit oor aan hul advokaat.

Anita ·

daar behoort geen borg te wees nie en hulle moet ten minste vir 25 jaar tronk toe, hulle wis dat dit oneerlik was en dat hulle beskermende diere uitrooi vir geld. Geen genade moet betoon word nie.

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.