Drie ‘kapers’ op N14 geskiet

Die toneel. Foto: CICA/Facebok

Die toneel. Foto: CICA/Facebok

Drie mans is beseer, onder wie twee kritiek, nadat hulle geskiet is naby die Petroport op die N14-hoofweg tussen Pretoria en Krugersdorp.

Russel Meiring, woordvoerder van ER24, het gesê met paramedici se aankoms was daar reeds ʼn groot aantal polisiebeamptes op die toneel. “’n Bakkie het in die veld naby die pad gestaan en drie mans het ʼn paar meter weg van die bakkie gelê.”

Volgens Meiring het die drie mans verskeie skietwonde opgedoen. “Twee was in ʼn kritieke toestand terwyl die derde man matige beserings opgedoen het.” Meiring het gesê die mans is op die toneel gestabiliseer en behandel voordat hulle na nabygeleë hospitale gehaas is vir verdere mediese sorg.

Kapt. Kay Makhubele, woordvoerder van die polisie, het intussen gesê die drie gewondes is vermeende kapers. “Polisiebeamptes het die bakkie, wat vroeër in Mpumalanga gekaap is, gewaar en dit van die pad af probeer trek. Die insittendes het op die beamptes losgebrand en die beamptes het teruggeskiet.”

Volgens Makhubele is daar twee ongelisensieerde vuurwapens, blouligte en boeie in die bakkie gevind. Hy het gesê die verdagtes is onder polisiebewaking in die hospitaal.

Verkeer op die N14 is intussen erg ontwrig weens die voorval.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

27 Kommentare

jongste oudste gewildste
Sonja

Wie nie wil hoor moet maar voel

Baie sterkte

Baie sterkte aan die polisie manne (en vroue) wat alewig hierdie tipe van oortreders moet vastrek en lewend probeer bly in die uitvoering vaan hul werk. Dit word opreg waardeer!

Wern

Word HARD teenoor misdadigers. Geen genade meer vir hulle nie.

Gerhardt O

Die verdagtes klink baie na polisie rowers of selfs van-diens-af polisie hulle self?

Bravo16

Hoekom skiet die polisie hulle nie dood mie?