Drie kinders sterf in ongeluk wat lewe van vyf eis

Vyf mense is in die ongeluk in Uitsig, Bloemfontein, dood. (Foto: ER24)

Vyf mense, drie van hulle kinders, is Saterdagaand dood in ʼn ongeluk tussen ʼn minibussie en nog ʼn voertuig op Monumentweg in Uitsig, Bloemfontein.

Ineke van Huyssteen, woordvoerder van ER24, het gesê paramedici was omstreeks 19:00 op die toneel. Die minibus het langs die pad op sy kant gelê en nog ʼn voertuig het in die middel van die pad gestaan.

Die mense in die voertuig is op die toneel dood.

Drie ander mense in die voertuig het beserings opgedoen wat van ernstig tot matig wissel, het Van Huyssteen gesê.

“Die bestuurder van die minibus was in die voertuig vasgekeer en die brandweerdiens moes hom met die hulp van lewenskake bevry. Hy is ernstig beseer.”

Paramedici van verskeie nooddienste het pasiënte op die toneel behandel voordat hulle na hospitale vir verdere sorg geneem is.

Die polisie ondersoek die voorval.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

10 Kommentare

Annette ·

Dis nie ‘n taxi gewees nie, maar ‘Mercedes bussie met slegs 1 persoon in. Die ander Agt was in die BMW.

Androclus ·

Dankie Annette as daar net gehoor word van minibus dan is dit taxis en drank wat betrokke is en slegte kritiek word dan gelewer.Tipies mens

Jakes ·

Daar gaan nie n enkele dag verby waarin daar niemense en kinders in ongelukke sterf nie. Om in SA in n akr of taxi te ry is amper om jou eie doodsvonnis te vel.

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.