Drie kinders van SA gesin dood in NZ

(Argieffoto: Canterbury Police/Facebook)

’n Suid-Afrikaanse gesin wat sowat drie weke gelede in Nieu-Seeland aangekom het, se drie kinders is Donderdagaand dood aangetref.

Die polisie en nooddienste is kort na 22:00 (NZ tyd) na ’n eiendom in Parkside, Timaru, ontbied waar die drie kinders, ’n tweejarige tweeling en nog ’n kind (6), dood gevind is.

’n Vrou is ook by die eiendom aangetref en na ’n hospitaal in Timaru geneem waar sy in ’n stabiele toestand is.

“Die ondersoek na hierdie tragiese voorval is nog in ’n baie vroeë stadium, maar ons kan bevestig dat niemand anders gesoek word in verband met die dood van die drie kinders nie,” het insp. Scott Anderson, ’n polisiewoordvoerder, gesê.

Die gesin het volgens die polisie verlede week in Timaru aangekom nadat hulle eers in kwarantyn was met hul aankoms in Nieu-Seeland vanaf Suid-Afrika. Timaru is ’n hawestad in die suidelike Canterbury-streek, sowat 157 km suidwes van Christchurch.

“Die polisie werk steeds om al die naasbestaandes in kennis te stel en om daardie rede, en om die privaatheid te beskerm van almal wat deur die tragedie geraak word, sal die polisie nie in die stadium enige verdere besonderhede rakende die slagoffers bekend maak nie,” het Anderson gesê.

Stuff.co.nz, ’n digitale nuusplatform in Nieu-Seeland, berig die kinders se ouers is albei dokters en dat die eiendom waar hulle tuisgegaan het glo as behuising vir personeel van ’n hospitaal gebruik word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

7 Kommentare

jongste oudste gewildste
ONTPS

Dit is verskriklik tragies, innige simpatie aan die familie

Misky

Sjoe, dis vreeslik hartseer. Simpatie met die familie en in besonder daai arme man

melW

Dis hartbrekend. Om te emigreer na ń nuwe land het ń impak, en die rede vir hierdie slag sal dalk kan verduidelik as die ondersoeke afgehandel is.

Skappie

Dit is verskriklik. Innige simpatie aan die mamma en pappa en ook familie en vriende van hierde gesin. Mag julle deurgedra word deur onse Liewe Heer, en mag Hy julle styf in sy arms vashou.

Toy

Sjoe dit is skokkend.