Drie kinders verdrink in Noordwes

Drie kinders het in ʼn swembad in Mahikeng in Noordwes verdrink.

Sers. Kelebogile Moleko, woordvoerder van die polisie, het gesê ʼn groep kinders het Sondag by ʼn huis in Lonely Park geswem.

“Twee broers, ses en 10 jaar oud, en ʼn 10-jarige meisie het verdrink,” het sy gesê. Die ander kinders het weggehardloop.

Moleko het gesê geen verdere besonderhede is in die stadium bekend nie. Die polisie ondersoek die saak.