Drie kritiek na ontploffing by fabriek

Argieffoto: ER24

Argieffoto: ER24

Drie mans is kritiek beseer tydens ʼn ontploffing in ʼn fabriek in Vereeniging.

Russel Meiring, woordvoerder van ER24, het gesê die voorval het Dinsdagmiddag by ‘n fabriek by die R59- en Boy Louwweg-kruising plaasgevind. Met paramedici se aankoms het die drie mans buite kantore op die perseel gelê terwyl personeel noodhulp op hulle toegepas het.

“Die drie pasiënte het ernstige brandwonde oor die grootste dele van hul liggame opgedoen en was in ʼn kritieke toestand,” het Meiring gesê. Nadat die pasiënte gestabiliseer is, is twee met mediese helikopters na hospitale geneem, terwyl die derde per ambulans vervoer is.

“Die oorsaak van die ontploffing is nog nie bekend nie, maar sal deur die plaaslike owerheid ondersoek word,” het Meiring gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.