Drie leeus op Limpopo-plaas vergiftig

Argieffoto ter illustrasie Foto: designerpoint, Pixabay

Argieffoto ter illustrasie Foto: designerpoint, Pixabay

Die polisie is op soek na die persone wat drie leeus op ʼn plaas suid van Polokwane in Limpopo doodgemaak het.

“Drie leeus is dood, vermoedelik weens vergiftiging, by Turffontein-plaas langs The Ranch buite Polokwane,” het brig. Motlafela Mojapelo, woordvoerder van die polisie, gesê.

Twee van die leeus, albei mannetjies, se koppe en pote is afgekap. Die leeuwyfie se karkas is nie vermink nie.

Volgens Mojapelo is die karkasse Vrydag gevind en die leeus is vermoedelik Donderdagaand doodgemaak.

“Die jongste voorval is soortgelyk aan die sake wat vroeër in Tzaneen, Mara en Hoedspruit aangemeld is,” het hy bygevoeg. “Die motief is nog nie in hierdie stadium bekend nie. Die polisie-ondersoek duur voort.”

Enigiemand met inligting word versoek om kapt. Retief te kontak by 082 319 9460.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

7 Kommentare

sioux ·

dis weer n boodskap. leeu sonder tande en naels is mos skadeloos.

snuit snuit ·

Dis ‘n feit. kloulose en tandlose leeu is onskadelik.

M'Lady ·

Natuurlik is die motief bekend : MUTI. Hierdie leeus word net geteeel om gejag te word. So watter kant toe geredeneer word hulle sterf op die einde van die dag. Rede : die GELD DUIWEL.

Alida ·

Die barbaarsheid hou net nie op nie. Gruwelike dade op mens en dier. Waar kom hierdie mense vandaan.

Daan ·

Waar is die diere aktiviste se kommentaar, gaan mal oor geblikte leeus en al die ander dinge, maar sien geen kommentaar hier vir die wrede doodmaak van die diere nie

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.