Dit lyk of nie eens die landwye staat van afsondering die handel in renosterhoring kan stuit nie.
Brig. Hangwani Mulaudzi, woordvoerder van die Valke, het gesê die polisie het beslag gelê op ses renosterhorings en drie mense in hegtenis geneem nadat hulle ʼn wenk oor die horings gekry het.
“Die span het ʼn deursoekings- en beslagleggingsbevel bekom en toegeslaan op die huis in Clau-Clau,” het Mulaudzi gesê.
Die polisie het die perseel gefynkam en verskeie jagmesse in ʼn voertuig op die erf ontdek. ʼn Groot bedrag geld is in die huis gevind. Die renosterhorings is in ʼn buitebadkamer versteek en is glo stelle afkomstig van drie gestroopte renosters.
Die drie verdagtes, twee mans en ʼn vrou, is in hegtenis geneem en die polisie het beslag gelê op drie voertuie, die horings en die kontant. Hulle verskyn na verwagting Dinsdag in die hof vir die onwettige besit van renosterhorings.
Lt.genl. Godfrey Lebeya, nasionale hoof van die Valke, het die inhegtenisnemings geloof.
Dis ongelukkig sake soos die wat nie genoeg aandag by wetstoepassers en howe geniet nie, more is hulle weer vry.
Hier is die rede vir die plaaswerker wat die onwettige jagters geskiet het.