Drie metrobeamptes vas oor ‘omkoopgeld’

Tshwane Metropolisie. (Argieffoto)

Drie beamptes van die Tshwane Metropolisie (TMPD) is Vrydag in hegtenis geneem deur die departement se interne ondersoekeenheid nadat hulle glo omkoopgeld geëis en ontvang het van ʼn motoris in Pretoria-Wes.

Isaac Mahamba, woordvoerder van die TMPD, het gesê die motoris het glo teen aankomende verkeer gery en is deur drie vrouemetropolisiebeamptes voorgekeer. “In plaas daarvan dat die beamptes die motoris ʼn boete opgelê het, het hulle na bewering geld by die motoris geëis,” het Mahamba gesê.

“Die motoris beweer hy het die geld aan hulle gegee en het toe hulle voertuig se nommerplaat neergeskryf toe hulle wegry. Hy is daarna na die TMPD se kantoor om die voorval aan te meld.”

Mahamba sê die metropolisiebeamptes is opgespoor en ondervra en ná verdere ondersoek op aanklagte van omkopery en korrupsie in hegtenis geneem.

“Die drie beamptes, tussen 25 en 35 jaar oud, word tans by ʼn plaaslike polisiestasie aangehou en sal binnekort in die hof verskyn.”

Mahamba het die motoris geloof wat die voorval aangemeld het. “Ons doen ʼn beroep op motoriste om hulle daarvan te weerhou om vir beamptes geld aan te bied en voorvalle aan te meld waar beamptes geld eis,” het hy gesê. “Ons sal voortgaan om korrupsie in ons departement met erns uit te roei.”

Inwoners kan korrupte TMPD-beamptes by die teenkorrupsie-hulplyn aanmeld by 082 891 8625.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

27 Kommentare

jongste oudste gewildste
Die Skim

Kan die Scorpions ook n draai maak in die Vrystaat tussen Bloemfontein en Sasolburg – 3 is n grap – bring n trok saam

Manie

Hierdie is n siekte onder die mense. Twee van my vriende het in die week omkoopgeld betaal in Pretoria aan verkeersmense. Hulle is net teenwoordig op plekke waar hulle met hulle duiwelswerk kan aangaan sonder om uitgevang te word

AW

As much as the Traffic Officials was wrong and did wrong, I must ask:

From a Rational perspective, I fail to understand as to why that person, whom have contravened the NRTA, and knew he did Wrong, just accepted the “WRITTEN NOTICE” appear in court and state his justification in “Breaking the Law”, however, because if his so weak character and Non existent Ethics and Values, NOW he is the HERO….

And he just got way with what he did wrong….

Karolis

Die gemelde oortreding moet aldus bo redelike twyfel bewys word.
Hierdie tipe mense verhewe hulself tot ‘n mafia tipe status en jy sal deeglik boet indien die oortreders nie skuldig bevind word nie.

Kan dit wees.

Help niks om die nr te bel nie. Dame wat die foon antwoord se net stuur n mail. Mail gaan nie deur nie so jy kla verniet.