Volgens die Limpopo polisie is drie vermeende renosterstropers Vrydag in Polokwane gearresteer.
Brigadier Hangwani Mulaudzi het gesê die verdagtes was na bewering op pad om renosters in die Vaalwater-gebied te stroop.
ʼn Geweer, byl en saag is glo by hulle gevind.
Volgens Mulaudzi word die moontlikheid ondersoek of die verdagtes gekoppel kan word aan vorige gevalle van renosteropery in die provinsie.
Die verdagtes sal na verwagting Dinsdag in die hof verksyn.
– Sapa