Drie soek ná Oos-Kaapse plaasmoord

John Viedge (Foto: Facebook)

“Ons sal hulle lewend vind om verantwoording vir hul dade te doen.”

Só het die Oos-Kaapse polisiekommissaris glo Sondag aan die familie van die boer John Viedge (79) gesê nadat hy vroeg vanoggend op sy plaas in die omgewing van Nqanqarhu (Maclear) doodgeskiet is.

Volgens die polisie het lt.genl. Liziwe Ntshinga die plaas Highfield vroeër vandag besoek en intussen ’n 72-uur-aksieplan geaktiveer, wat die onmiddellike mobilisering van kritieke hulpbronne behels, om Viedge se moordenaars vas te trek.

Brig. Tembinkosi Kinana, woordvoerder van die polisie, sê voorlopige inligting dui daarop dat drie onbekende mans tussen 04:00 en 05:00 deur ’n venster toegang tot die huis verkry het.

Maroela Media het vroeër berig die verdagtes kon weens ’n veiligheidshek nie toegang tot die slaapkamer kry nie en Viedge is glo deur die veiligheidshek doodgeskiet.

Volgens Kinana was Viedge se vrou ook in die huis ten tyde van die voorval.

“Dit is nie duidelik waarna [die verdagtes] gesoek het nie, maar huisroof word vermoed. Op die oomblik lyk dit of niks gesteel is nie,” sê Kinana.

’n Saak van moord word ondersoek.

Enigeen met inligting wat tot die inhegtenisneming van die verdagtes kan lei, word versoek om die polisiestasie op Nqanqarhu of die Misdaadstopnommer by 086 00 10111 te skakel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

17 Kommentare

jongste oudste gewildste
Anmemarie1971

Mense,ons moet saamstaan teen plaasmoorde,verkragtings,moord ens,dit kan nie so voortgaan nie,so baie onskuldige oumense,mense en kinders word onnodig gemartel en vermoor en vir wat? Bietjie geld,motor en selfone,die Here keer die dade beslis nie goed nie,kom ons ondersteun mekaar as ñ span,bid saam dat GOD ons land en sy mense red van verdere verwoesting en moorde,die oorlewendes het NIE GEVRA OM GEMARTEL EN VERMOOR TE WORD NIE. Wit,swart,kleurlinge,almal moet saam staan,kleur en ras moet nie saak maak nie,solank ons net weer in vrede kan lewe. As ak die boere vermoor word,waar gaan almal groente,vrugte vandaan kry???? Hul is vir ons… Lees meer »

Anmemarie1971

Mense,jammer vir die paar spelfoute,eks net baie emosioneel hier waar ek sit????????????????

Flip

En dan wil hulle ons ontwapen?

jzjz05

Wanneer gaan hulle besef dat daar net een straf is wat die moordenaars tweekeer sal laat dink wanneer hulle n moord beplan en dit is die DOODSTRAF.

Persheks Adri

Beslis nie huisroof nie net duidelik moord op ons boerevolk!Hoedeman jy gaan ons NIE ontwapen NIE!

Cele waar is jy en gee ons bietjie kommentaar toe!