Drie sterf in Rustenburg-vloede

Skade na oorstromings by Sunrise View in Rustenburg, Noordwes. Foto: Twitter via @sharo_shaz

Skade na oorstromings by Sunrise View in Rustenburg, Noordwes. Foto: Twitter via @sharo_shaz

Drie mense is in die Rustenburg-omgewing in Noordwes dood ná oorstromings in die gebied.

“Twee mense het in Phokeng verdrink toe hul motor deur die water meegesleur is,” het die munisipaliteit in ʼn verklaring gesê. eNCA berig ʼn laerskoolseun is ook deur die vloedwater meegesleur nadat hy probeer het om ʼn sterkvloeiende stroom oor te streek.

Ongeveer 20 gesinne is Dinsdagaand van verdrinking gered nadat hul huise oorstroom is. Die gebiede wat hierdeur geraak word, is Tlhabane, Ramochana, Sunrise Park, Paardekraal, Kanana, Seraleng, Meriting, Sunrise View, Phokeng, Rustenburg-middestad en die nywerheidsgebied.

Skade na oorstromings by Sunrise View in Rustenburg, Noordwes. Foto: Twitter via @sharo_shaz

Skade na oorstromings by Sunrise View in Rustenburg, Noordwes. Foto: Twitter via @sharo_shaz

Die munisipaliteit het gesê ʼn gesamentlike noodoperasiespan is op die been gebring om die omvang van die skade te bepaal en in die onmiddellike behoeftes van die inwoners wat geraak word te voorsien. “Die plaaslike munisipaliteit kon danksy die hulp van ondernemings, individue, nieregeringsorganisasies en regeringsdepartemente kospakkies aan die verplaaste gesinne verskaf. Dié mense word tans gehuisves in gemeenskapsale, kerke en klinieke.”

Die munisipaliteit monitor die situasie.

Maroela Media het vroeër berig die N12 deur Wolmaransstad moes gesluit word nadat vloedwater skade aan ʼn brug veroorsaak het en daartoe gelei het dat die teer plek-plek opgelig het. Verskeie geboue en ʼn vulstasie in die dorp is ook oorstroom.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

14 Kommentare

jongste oudste gewildste
Skim

Lyk soos ‘n ADT bakkie op sy dak? Nuuskierig hoe hy daar uitgekom het? Gespoel tot daar?

Pop

Kyk nou net waar slaap die polisievoertuie snags ne. Word hierlangs vir skool vervoer, ander mense by werk aflaai en plesier ritte gebruik.

dirwou

Hoekom is die SAPS bakkie by n privaat huis Dan het hulle nooit bakkies beskikbaar nie

giep

Gaan daar ook ‘n ondersoek gedoen word oor hierdie sterftes soos met dieselfde tipe sterftes op die boer se plaas? Wie is die oorsaak van hierdie sterftes?

henk

Ek is jammer om te hoor van die sterftes, maar wil graag hoor of Maroela kan uitvind wat die polisie voertuig op ‘n private perseel maak. Indien dit op ‘n boer se plaas gemerk was of by ‘n wit persoon se huis , was die valke al daar gewees. Sal graag wil weet wat maak dit op daardie perseel – soos in die foto.