Drie sterf in Vrystaat-ongeluk

Drie mans is dood in ’n trompop botsing by Reitz. Foto: ER24

Drie mans is dood en een kritiek beseer toe twee ligte voertuie op die R26 buite Reitz in die Vrystaat gebots het.

Russel Meiring, woordvoerder van ER24, het gesê hul paramedici het omstreeks 08:00 by die toneel opgedaag en albei voertuie aan die kant van die pad aangetref.

“Albei voertuie is erg beskadig in die botsing,” het Meiring gesê.

Meiring het gesê drie mans is noodlottig beseer en het geen tekens van lewe getoon nie. Hulle is op die toneel dood verklaar.

Paramedici het ’n vierde kritiek beseerde man op die toneel behandel voor hy na ’n nabygeleë hospitaal gehaas is vir mediese behandeling.

Die presiese omstandighede rakende die voorval is nog nie bekend nie. Die polisie ondersoek die voorval.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

8 Kommentare

Johnna ·

Die een bestuurder het n sperstreek oorgesteek en die kop aan kop botsing veroorsaak.Baie hartseer die lewensverlies

Sperstreep ·

Johnna; goeie aarde, was jy ‘n ooggetuie? Dit klink beslis so.

Salamander ·

Horrible paaie daai, veral as die Boere bedrywig raak met ploeg en plant en tydens oestyd. Hulle moet noodgedwonge op die paaie wees en dan is daar baie ongeduldige , haastige motoriste. Het ‘n paar jaar gelede ‘n soortgelyke tragedie naby Senekal aanskou.

J ·

Ja sperstreek ek was en die ongelukkig het tussen Reitz en Tweeling plaasgevind.

IK ·

En as ek dit reg het ry mens ook die hele wydte van die pad om slaggate te vermy. Dit was verlede Juliemaand so.

Sandra ·

Nou toe die kosmandtjie van SA is besig om te plant. Bly uit die pad en ry stadiger. Mense wat lisensies “koop” eish

Amelia ·

Die skuld moet voor die deur van die padwerke gele word. Die pad is haglik. Ek wonder of kan mens ooit strepe sien. Enigeen wat die pad huidiglik ken sal weet waarvan ek praat. N Kollega van my was so 3 weke terug ook in n lelike ongeluk, en was kritiek op dieselfde pad agv n slaggat. Dat hy leef is n wonder. Wanneer gaan die regering wakkerskrik!!!!!!

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.