Drie sterf in Wes-Kaap-botsing

Argieffoto: ER24

Drie mense is dood en minstens tien beseer in ʼn botsing Maandagmiddag in Bellville in die Wes-Kaap.

Werner Vermaak, woordvoerder van ER24, het gesê paramedici van verskeie nooddienste is omstreeks 17:00 na die toneel in Robert Sobukweweg ontbied.

“ʼn Minibustaxi en ʼn motor het vir ʼn onbekende rede gebots. Drie mense was reeds dood toe paramedici hulle ondersoek het,” het Vermaak gesê.

Volgens Vermaak is tien ander mense, onder wie ʼn 11-jarige seun, naby die taxi aangetref met beserings wat strek van matig tot ernstig.

“Soos wat verstaan word, is al die insittendes uit die taxi geslinger toe dit verskeie kere gerol het.”

Die beseerdes is op die toneel gestabiliseer en na omliggende hospitale geneem vir mediese gehandeling.

Die oorsaak van die ongeluk word ondersoek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

2 Kommentare

jongste oudste gewildste
Janneman

“Die oorsaak word ondersoek”
Hulle moenie te vêr soek nie, die oorsaak is redelik eenvoudig.