Drie sterf ná glas op hulle val

Argieffoto Foto: Netcare911

Argieffoto Foto: Netcare911

Die polisie en paramedici was Woensdag ure lank op ʼn toneel in Ormonde, Johannesburg, nadat verpakte glas op drie mans geval en hulle vergruis het.

“Die mans was besig om glaspanele van ʼn voertuig af te laai toe dit op hulle geval het,” het Santi Steinmann, ʼn woordvoerder van Netcare 911, aan Maroela Media gesê.

Sy sê die drie mans is op slag dood en ʼn vierde man is kritiek beseer.

“Die beseerde man is op die toneel behandel en na ʼn nabygeleë hospitaal geneem.”

Die polisie ondersoek die voorval.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae