Drie sterf toe motor teen boom bots

Die wrak van die voertuig op die ongelukstoneel. (Foto: ER24)

Drie mense is dood en nog twee ernstig beseer toe ʼn motor Vrydagaand teen ʼn boom langs Voortrekkerweg in Krugersdorp aan die Wes-Rand gebots het.

Werner Vermaak, woordvoerder van ER24, sê paramedici en beamptes van die brandweer-en-reddingsdienste is net ná 21:00 na die toneel ontbied. “Hulle het daar die opgefrommelde wrak van die voertuig aangetref. By nadere ondersoek kon paramedici vasstel dat drie mense reeds aan hul veelvuldige beserings beswyk het,” het Vermaak gesê.

Die bestuurder en sy passasier het ernstige beserings opgedoen. ʼn Mediese helikopter is ontbied om een van hulle na ʼn hospitaal te neem. Die ander een is per ambulans na ʼn hospitaal gehaas.

Vermaak sê die oorsaak van die ongeluk is nie bekend nie. Hy het wel gesê die voertuig het teen ʼn versperring gebots voordat dit die boom getref het. Plaaslike owerhede was op die toneel en sal verder ondersoek instel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

7 Kommentare

Mariné Lourens ·

Dagsê Jordaan

Dankie vir jou kommentaar. Ons vra om verskoning vir die oorsig. Die berig is reeds gewysig.

Groete
Mariné
nms Maroela Media

The Oracle ·

Tragies – het 3 matriek maats verloor in 1995 in Ontdekkers weg en ook teen ‘n boom vasgery. Al my medelye met die familie,

Ampie ·

Ja dis hartseer. Wonder hoeveel Jonnie Walker was betrokke

GM ·

SjN, as daar nie mense dood is nie, het ek jou kommentaar skreeusnaaks gevind.
Sterkte aan die naasbestaandes.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.