Drie sterf toe trok, bakkie bots

Paramedici het die bakkie half onder die vragmotor aangetref. Foto: ER24

Drie mense is dood en nog iemand kritiek beseer toe ʼn vragmotor Dinsdagoggend met ʼn bakkie in Meyerweg in Meyerton in die Vaaldriehoek gebots het.

Russel Meiring, ER24-woordvoerder, sê toe hul paramedici en Gautengse nooddienste omstreeks 05:40 op die toneel aankom, het hulle die vragmotor en die bakkie aan die kant van die pad aangetref. Die bakkie is teen die voorkant van die vragmotor verpletter.

By nadere ondersoek het beamptes op twee mans afgekom wat voorin die bakkie vasgevang was, terwyl ʼn derde agterin gekry is. Al drie is blykbaar op slag dood.

Meiring beskryf ʼn vierde man se toestand as kritiek. Hy is op die toneel vir sy beserings behandel en daarna vir dringende behandeling na die Mediclinic Vereeniging gebring.

“Nadere besonderhede van die ongeluk is nog nie bekend nie,” sê Meiring, “maar die plaaslike owerheid was op die toneel om die voorval te ondersoek.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.