Drie treinwaens binne dag in ligte laaie

Argieffoto van treinwaens in ligte laaie op die Kaapse stasie. Foto: Verskaf

“Dit lyk asof ʼn goed georganiseerde en duistere mag daarop uit is om ons brose maar lewensbelangrike treindiens te vernietig,” het Brett Herron, Kaapse burgemeesterskomiteelid vir vervoer, Vrydagmiddag gesê nadat die soveelste treinwa aan die brand gesteek is.

Die treinwa het groot skade opgedoen tydens die brand kort ná 14:00 Vrydagmiddag. Die trein het langs perron 2 op die Kaapse stasie gestaan ten tyde van die voorval, die derde treinwa wat Vrydag aan die brand gesteek is.

“Ek is uiters bekommerd oor die voorval aangesien ons stedelike spoorstelsel reeds bedryf word teen ʼn fraksie van die kapasiteit wat nodig is om in pendelaars se behoeftes te voorsien,” sê Herron. “In die afgelope drie jaar het ons meer as 140 treinwaens verloor.”

Hy doen ʼn beroep op die polisiediens om die jongste brandstigting dringend te ondersoek. “Ons pendelaarspoordiens loop gedurig deur en dis die kwesbaarste inwoners wat die meeste onder die verswakkende diens ly. Dit het ʼn reuse-uitwerking op ons plaaslike ekonomie en benadeel ook ander Kapenaars.”

Die Kaapse stadsraad en provinsiale regering het onlangs ʼn toegewyde wetstoepassingseenheid vir die spoorweg op die been help bring, sê Herron. “Ons het dit gedoen omdat Metrorail-pendelaars ons inwoners is en hul inkomste afhanklik is van ʼn veilige, werkende en doeltreffende spoordiens.”

Hy doen opnuut ʼn beroep op Blade Nzimande, minster van vervoer, om dadelik in te gryp om die probleem op te los. “Ek wil by hom weet of hy die moontlikheid van die verklaring van ʼn noodteostand of ramp al aan die kabinet voorgelê het.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

33 Kommentare

jongste oudste gewildste
Graham

140 waens in amper 3 jaar??! Dis verregaande! Nie net plaas dit onskuldige mense in gevaar wat daarvan afhanklik is, dit plaas ook verdere druk op ander vorme van publieke vervoer en jaag tariewe op!

Maar nee, afbrand/afbreek is mos nasionale tydverdryf hier in SA, bou nou ‘n land op…..

Hannes

Brand af. Ons wil graag loop. Niks anders as terrorime nie

Piet Lourens

Dit is die demokrasie en vryheid waarvoor hulle so baklei het. Vryheid om te brand wat jy wil.

Ben

Die enigste persone wat regstreeks hierby baat is die Suid Afrikaanse vervaardiger van die waens en moontlik die Taxi’s of Bus maatskappye. Gaan krap rond daar in Gauteng, by die waens vervaardiger vir ‘n begin.

AW

That’s the Price we “pay” whether Directly or Indirectly and also the Consequences of the South African version of the concept: Democracy!!

Viva Democracy Viva !!!!