Die bestuur van die Pretoria-Wes-polisiegroepering loof die taktiese reaksiespan vir die inhegtenisneming van drie verdagtes in verband met die vervalsing van sertifikate wat net die departement van binnelandse sake mag uitreik.
Die polisie het gereageer op ʼn wenk wat hulle Woensdag net ná 13:00 gelei het na ʼn huis in President Burgersstraat, sowat 2 km wes van Kerkplein, sê konst. Sibongile Vuma, polisiewoordvoerder.
Twee mans en ʼn vrou, tussen 35 en 45 jaar oud, is op die toneel in hegtenis geneem en die polisie het beslag gelê op nagemaakte stempels van binnelandse sake, vervalste visums, paspoorte en asieldokumente.
Sy sê nog mense kan moontlik in hegtenis geneem word terwyl die polisie van Pretoria-Wes die saak verder ondersoek.
Al drie verdagtes sal na verwagting in die Pretoriase landdroshof verskyn.
met die departement van binnelandse sake net ‘n blok van die huis af, is daar dalk honderde vervalste paspoorte, asiel dokumente en visums al uitgereik
hoe lank gaan dit nou neem om die vervalste items / mense op te spoor
g’n wonder daars so baie buitelanders om ons
Stem saam! KFC is koning! Hulle is in elk geval nie daar nie en as hulle is dan is hulle moeg geloop van KFC af!
Dit behoort maklik te wees om vervalste dokumente uit te ken: kyk net na die afwesigheid van foute. Dis klinkklare bewys dat die dokumente oneg is.
DHA het foute op al vier my gesinslede seonverkorte geboortesertifikate aangebring…