Drie verdagtes sal Woensdag in die Upington-landdroshof in die Noord-Kaap verskyn op aanklagte van dwelmhandel.
Dít volg nadat hulle vandeesweek in hegtenis geneem is vir die besit van verskeie dwelms ter waarde van sowat R3,4 miljoen.
Volgens Nomthandazo Mnisi, woordvoerder van die Valke, is die drie verdagtes, tussen die ouderdomme van 25 en 45 jaar, Maandag deur die Valke, die plaaslike honde-eenheid en die plaaslike grenspolisie aangekeer nadat die span inligting ontvang het van dwelms wat in ’n bus vervoer word.
Die bus is voorgekeer waarna die dwelms ontdek is. Die vonds het dagga, tik en mandrax-tablette ingesluit, het Mnisi gesê.
Oppad Namibia toe? Goeie werk!!!
Sal ek ook graag wil weet. Die berig is soos Sona.
Arm aan inligting….
Woensdag uit op borg,donderdag weg.