Die masjiengraaf waarop beslag gelê is. Foto: Verskaf
Drie verdagtes, tussen 30 en 40 jaar oud, sal na verwagting Maandag in die hof verskyn nadat hulle op aanklag van onwettige mynbedrywighede buite Burgersfort in Limpopo in hegtenis geneem is.
Volgens kapt. Matimba Maluleke, woordvoerder van die Valke, is die drie verdagtes Donderdag in Modikwa in hegtenis geneem tydens ʼn gesamentlike operasie deur die Valke, polisie, departement van minerale bronne en veiligheidsbeamptes van die Black Chrome-myn.
Maluleke het gesê die verdagtes is op heter daad betrap en in hegtenis geneem by skagte wat langs die skag is waar hul beweerde medepligtige Dinsdag dood gevind is deur mynveiligheidsbeamptes. Daar het na bewering grond en rotse op hom geval terwyl hy met onwettige mynaktiwiteite besig was.
Daar is tydens die drie mans se inhegtenisneming op ʼn masjiengraaf, edelmetale ter waarde van meer as R400 000 en ʼn Mercedes-Benz ML 350 AMG wat aan die verdagtes behoort, beslag gelê.
Die verdagtes sal na verwagting in die Mecklenburg-landdroshof verskyn op aanklagte wat verband hou met onwettige mynbedrywighede, die onwettige besit van edelmetale en regsverydeling.
Daar is op ‘n LOOPGRAAF beslag gelê ?????!!!!
Dagsê Frikkie Geld en huis
Dankie vir jou kommentaar en jammer vir die oorsig. Die berig is reeds gewysig.
Vriendelike groete
Maroela Media
Jy het n JCB laaigraaf nodig om ‘n loopgraaf te grawe……
Of is die ‘n “rygraaf”………
Dagsê Karlahari
Dankie vir jou kommentaar en jammer vir die oorsig. Die berig is reeds gewysig.
Vriendelike groete
Maroela Media
Die manne het al heelwat gedelf, het al goeie toerusting aangeskaf.
Die blinde sambok het gepiets?
Tog so jammer dat die gereg sy gang moet gaan, want die skuldiges gaan soos ‘n boemerang maar weer “toeslaan”!?