Drie vas oor skietery in Midrand

Argieffoto

Argieffoto

Drie mans het Maandag in die Alexandra-landdroshof verskyn in verband met ʼn moord en poging tot moord ná ʼn noodlottige skietery in Midrand, Gauteng.

“Twee vroue het Donderdag glo in die kruisvuur van taxibase beland,” het Phindi Louw, woordvoerder van die Nasionale Vervolgingsgesag gesê. “Hulle het met hul motor verby die kruising van die K101 en Le Rouxweg gery waar ʼn skietery aan die gang was.”

ʼn Dwaalkoeël het ʼn 39-jarige passasier in die kop getref en die bestuurder se regterarm is getref. Die passasier is op die toneel dood verklaar en die bestuurder is na ʼn hospitaal geneem.

“ʼn Groep taxieienaars het in hul privaat motors op mekaar geskiet,” het kapt. Augustinah Selepe, woordvoerder van die polisie, gesê. “Ons het dit egter nog nie bevestig nie. Dit is wat ons vermoed.”

“Die saak is tot 20 Oktober uitgestel,” het Louw gesê. “Die verdagtes sal na verwagting dan aansoek doen om borgtog.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.