Drie vas oor vermiste Philippi-vrou se motor

Meghan Cremer

Drie verdagtes is vroeg vandeesweek in hegtenis geneem nadat die vermiste Meghan Cremer (30) van Philippi se motor in hul besit gevind is.

Kapt. FC van Wyk, woordvoerder van die polisie, het aan Maroela Media gesê Cremer se wit Toyota Auris is Maandag in Grassy Park opgespoor waarna drie mans in hegtenis geneem is.

Daar is egter nog geen spoor van Cremer nie.

Cremer het Saterdag spoorloos verdwyn nadat sy haar huis in Philippi verlaat het. Sy woon in ʼn kothuis by die Vaderlandsche Rietvlei-stalle en is omstreeks 18:00 Saterdag in haar Toyota Auris daar weg.

Volgens Van Wyk sal die verdagtes in die Athlone-landdroshof verskyn sodra hulle aangekla word vir die besit van vermoedelik gesteelde goedere.

Die polisie volg tans alle leidrade op om vas te stel of die mans met Cremer se verdwyning verbind kan word.

Die soektog na Cremer duur voort.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

37 Kommentare

jongste oudste gewildste
Lee

Ai, ek het n slegte gevoel hieroor….

piper

ja, ek voel ook ongemalik

Koos de Meyer.

As hulle haar motor het dan moet jy wonder. Sit 2en2 by mekaar.

Mel

Genade dit gee my ‘n nare gevoel

Jolanda

Jitte tog, kry ‘n nare gevoel hieroor. Ek vermoed sy was gekaap/beroof alvorens sy by haar bestemming uitgekom het…

Hoop en vertrou dat sy ongedeerd gevind sal word. Sterkte aan die bekommerde familie en vriende.