Drie vas vir moord op Pta-polisiekaptein

Argieffoto

Argieffoto

Drie mans wat Saterdag glo ʼn polisiekaptein van Pretoria vermoor het, is in hegtenis geneem.

Ao. Matthews Nkoadi, woordvoerder van die polisie, het gesê die mans is in Winterveld, noord van Pretoria, vasgetrek.

Volgens Nkoadi het vier verdagtes vermoedelik Saterdag kapt. Kenneth Poortman (47) se privaat voertuig in die Hercules-gebied in die stad gekaap. “Hy is met ʼn skerp voorwerp in sy bolyf gesteek en sy liggaam is langs Theo Martin-weg gelos,” het Nkoadi gesê.

Die vier verdagtes het glo Poortman se vuurwapen afgeneem en met sy motor Winterveld toe gery, waar drie van hulle later in hegtenis geneem is. Poortman se vuurwapen en voertuig is ook teruggevind. Die vierde verdagte is steeds op vrye voet.

Die verdagtes sal binnekort in die hof verskyn op aanklagte van moord, die besit van ʼn gekaapte voertuig en die onwettige besit van ʼn vuurwapen en ammunisie, het Nkoadi gesê.

Meer as 80 polisiebeamptes is reeds vanjaar vermoor.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

2 Kommentare

jongste oudste gewildste
Gertjie

Dis maar ‘n baie klein getal teen ons boere wat dood gemartel word.

Donovan

as n mens gaan kyk ons het oor die 17k moorde in ons land gehad vir 2015… dit is amper 3x die getal mense wat vermoor is deur ISIS die hele wêreld deur. daar word gemiddeld 48 mense per dag in ons mooi land vermoor en ons regering kan nie die nut sien om enige matreels daarin te stel om dit te bekamp nie… Hierdie Kapt in die polisie se kundigheid is daarmee heen, al sy kennis en vaardigheid wat hom n offesier in ons SAPD gemaak het is verlore deur 4 on geskoolde, on opgevoede karakters wat slag, steel… Lees meer »