Drie verdagtes sal Maandag in die Brits-landdroshof in Noordwes verskyn nadat ʼn ietermago in hul besit gevind is.
Die verdagtes, tussen 22 en 35 jaar oud, is Vrydag by ʼn vulstasie in Brits in hegtenis geneem, het Maria Nkabinde, polisiewoordvoerder, gesê.
“Die inhegtenisnemings is gemaak nadat ʼn wenk ontvang is van ʼn lid van ʼn niewinsgewende organisasie wat hom toespits op die bekamping van onwettige handel in wild en bedreigde spesies.”
ʼn Multidissiplinêre span, bestaande uit lede van die Jericho-veediefstaleenheid, misdaadintelligensie en natuurbewaringsbeamptes het vinnig opgetree en die drie mans in ʼn wit Volkswagen Jetta voorgekeer.
Die ondersoek na die saak duur voort.
Ek is baie bly hulle is gevang. Dankbaar ook dat daar mense was wat hulle gerapporteer het. Hoop nou die hof straf hulle baie swaar, dit is nou te sê as hulle nie op borg vrygelaat word en verdwyn nie.