Drie verkeersbeamptes vas vir korrupsie

Argieffoto: Departement van verkeersveiligheid

Drie beamptes van die Gautengse verkeerspolisie is Vrydagoggend vir korrupsie in hegtenis geneem.

Volgens die provinsie se departement van gemeenskapsveiligheid was die drie beamptes verbonde aan die Langlaagte-verkeersdepartement in Johannesburg.

“Die drie is in hegtenis geneem in verband met omkopery ter waarde van nagenoeg R9 000. Die geld is in hul besit gevind nadat die Valke ʼn lokval vir hulle gestel het,” het die departement in ʼn verklaring gesê.

Die inhegtenisnemings volg in samewerking met die Gautengse departement van gemeenskapsveiligheid en Padverkeersbestuurskorporasie (RTMC).

Sizakele Nkosi-Malobane, LUR vir gemeenskapsveiligheid, het die inhegtenisnemings verwelkom en die rolspelers geprys.

“Ek het nog altyd gesê ons sal streng optree teen enige beampte wat onwettige praktyke pleeg. Vandag se inhegtenisnemings sal ʼn streng boodskap uitstuur aan ander beamptes wat hulself aan korrupsie wil skuldig maak,” het Nkosi-Malobane gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

17 Kommentare

jongste oudste gewildste
snoefie

goed so.

Petro

Kan die verdompde mense nie net ophou met hulle skelmheid nie maar nou as jou land se president nie genoeg kan kry volg hulle seker maar sy voorbeeld

Swartkat

In Gauteng is daar baie van hierdie manne van die gereg wat bonusse so langs die pad verdien .As hulle jou stop moet daar net ‘n blou noot of twee in jou ID wees en hulle los die boete uit . Hulle is ook nie goedkoop nie en soek nie kleingeld nie. Baie goed dat die skuldiges vas gevat word.

Navi

Net drie….van baie!

Piet

Nico,ek strem 100% saam jou.wees maar vriendelik en bt 100 r,en al hul arrogansie en rasisme verdwyn…..die mag van geld darm