Driejarige verdrink in swembad

Argieffoto

’n Driejarige dogtertjie is Woensdagmiddag aan die Wes-Rand dood nadat sy vermoedelik in ’n swembad by ’n huis in Florida, Johannesburg, beland het.

Ineke van Huyssteen, woordvoerder van ER24, sê parmedici het kort ná 12:30 met hul aankoms op die toneel die dogtertjie in ’n erf aangetref waar sy omring deur omstanders gelê het. Die omstanders het in dié stadium mond-tot-mond-asemhaling op die kind toegepas.

“Na wat verneem word, is sy in die swembad gevind. Paramedici het dadelik gehelp en voortgegaan met behandeling.”

Volgens Van Huyssteen is die dogtertjie in ’n ambulans na ’n hospitaal gehaas terwyl daar deurgaans behandeling op die kind toegepas is.

Die dogtertjie is egter later ten spyte van die nooddienste se pogings dood verklaar.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

2 Kommentare

jongste oudste gewildste
Callsign Beaver

Dit breek my hart, my innige meegevoel aan die familie

Kokerboom

Innige meegevoel aan familie. So baie kinders sterf onnodig weens onbeskermde swembaddens