Dringende hersieningsaansoek oor Zuma-vrylating gebring

Oudpres. Jacob Zuma (Junie 2020) (Foto: Kim Ludbrook/AFP)

Die burgerregteorganisasie AfriForum het Woensdag sy dringende hofaansoek teen ses respondente beteken in die saak oor die vrylating van Jacob Zuma op mediese parool.

Dié respondente is die nasionale kommissaris van korrektiewe dienste, die mediese paroolraad, Zuma self, die sekretaris-generaal van die geregtelike ondersoek na bewerings van staatskaping en bedrog in die openbare sektor, insluitend staatsorgane, die minister van justisie en korrektiewe dienste en die president van die Republiek van Suid-Afrika.

Ernst Roets, hoof van beleid en aksie by AfriForum, sê hierdie is ’n saak van nasionale belang en dat dit ’n skande is indien mense op grond van hul politieke aansien bevoordeel word.

“Ons beskou hierdie aansoek as dringend aangesien hierdie ’n duidelike geval van magsmisbruik is deur die regering op grond van ’n persoon se politieke posisie. Dit is ook vir ons duidelik dat die toepaslike wetsvoorskrifte om iemand op mediese parool vry te laat nié nagekom is nie. Ons vra dus in ons aansoek dat die besluit om Zuma op mediese parool vry te laat, omgekeer moet word,” sluit Roets af.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

20 Kommentare

jongste oudste gewildste
Jack

Gee hulle gas.Ek vewag nie dat die hof anders sal besluit nie maar ten minste is daar weerstand om die besluit omgekeer te kry.

Tiptol

Die hele land is in magsmisbruik deur die anc.

annie

En Cyril glo vas hy red sy eie bas. Die sterwend Zuma het hierna niks meer om te verloor nie. Hy gaan net die paadjie oopskoffel vir boetie se troon-bestyging en sy eie entourage en clan se volgehoue weelderige bestaan. Ace & kie word bloot gebruik om onkruit te saai en biskruit af te vuur voor die komende sirkusseisoen vanuit die Nkandla-hooftent.

Hennie J

Stem saam met die optrede van Afriforum. Dis sommer bog, twak en nonsens dat elke jan rap en sy maat n bespotting van die regstelsel kan maak.

Peach

Wat is die beheptheid met Jacob Zuma se doen en late? Hoeveel gaan dit nou weer die belasting betaler kos om hom vir ‘n verdere 3 maande van kos en verblyf te voorsien….. nie eens te praat vd regskostes daaraan verbonde nie.