Dringende operasie vir Jo Black

Jo Black (Foto: Facebook)

Die sanger Jo Black het alle vertonings vir die res van September gekanselleer en moet dringend ʼn operasie ondergaan.

Flagship Productions, die agentskap wat Jo se konserte reël, het gesê dokters het bevestig Jo sal Sondag, 9 September, geopereer word nadat sy gesondheid die afgelope twee dae verswak het.

Huisgenoot het in ʼn onderhoud met die sanger berig hy moet ʼn nekoperasie ondergaan nadat twee van sy nekwerwels gedisintegreer het. Sy stembande is egter ook in gedrang.

Spesialiste het Vrydag bevestig dat Jo dringend die operasie moet ondergaan, aangesien selfs ʼn klein stampie tot permanente verlamming kan lei.

“Ons vra groot om verskoning vir enige ongerief vir elke persoon wat deur dié onverwagse omstandighede geraak word,” het Flagship in ‘n verklaring gesê. Die agentskap sal alternatiewe datums met organiseerders bespreek of alternatiewe reëlings tref. Die sanger sou aanvanklik die res van sy vertonings vir September kon doen en sou eers teen die einde van die maand die operasie ondergaan.

“Dis met groot spyt en hartseer dat al my shows van vandag af gekanselleer of uitgeskuif moet word,” het Jo gesê. “Op aandrang van my dokter, kan ek nie langer die operasie uitstel nie en moet so gou as moontlik geopereer word. My toestand het in die laaste twee weke so verswak dat dit amper onmoontlik word om op die verhoog te staan. Ek vra weereens om verskoning aan elkeen wat na een van my shows toe wou kom, as ek dit anders kon hê, sou ek. Baie dankie vir al die gebede, ondersteuning en elke persoon wat saam vertrou dat die net nog ʼn getuienis in wording is. Sien julle binnekort.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

30 Kommentare

jongste oudste gewildste
Ant

Sterkte Jo!!

Johanna Botha

Baie sterkte !

Marietjie

Jammer om te hoor. Mag die operasie ‘n groot sukses wees!!

Marius

Sterkte & spoedige beterskap Jo B.

Cornelia Steyn

Mag ons Heer jou styf vashou en jou innerlik versterk. Mag Hy die dokters as instrumente in Sy hande gebruik en weet: HY is Self langs jou, waardeur jy ookal gaan. Dit sal alles ten goede meewerk. Baie sterkte.