‘Dronk bestuurder’ vas na hy vier kinders raakry

Argieffoto

Argieffoto

ʼn Man is Donderdagaand in Noordwes in hegtenis geneem nadat hy glo onder die invloed van alkohol bestuur en vier kinders raakgery het.

Sers. Kelebogile Moleko, woordvoerder van die polisie, het gesê die man (34) is omstreeks 23:00 in Ikageng naby Potchefstroom in hegtenis geneem.

“Die bestuurder het sy motor onder die invloed van alkohol bestuur en vier kinders wat langs die pad gestap het, raakgery,” het Moleko gesê. “Die kinders, tussen 7 en 12 jaar oud, moes almal mediese behandeling ontvang. Twee is in die hospitaal opgeneem, terwyl die ander twee slegs geringe beserings opgedoen het,” het sy gesê.

Volgens Moleko kon die man ook nie sy bestuurderslisensie toon toe polisiebeamptes by die toneel opdaag nie. Aanklagte van dronkbestuur, roekelose en nalatige bestuur en bestuur sonder ʼn lisensie is teen hom aanhangig gemaak.

Hy sal Maandag in die Potchefstroom-landdroshof verskyn.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

5 Kommentare

Annelie ·

Dit is reg dat die man gevang is, maar ek wil graag weet wat soek kinders van die ouderdom elfuur in die aand op die straat?

Nina ·

Dit was my heel eerste vraag ook! WAAR is kinders van 7 -12 se ouers? Oor my dooie liggaam sal my 10- en 14 jarige hul voete alleen uit my erf sit. Soos Candice sê; kleintjies maak is ‘n Nationale sport. Maak mens naar.

Ethel ·

Drank is d gevolg v menige euwels in ons wereld. As minder mense d sal begin verdedig en d gevaar daarvan begin raaksien en werk maak daarvan kan ons oplossings begin soek. Ons bly in n streek waar drank baie gewild is….en d verbasend hoe so n verwoester so geliefd kan wees

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.