Dronkbestuur-regter se aansoek van die hand gewys

Die foto van Nkola Motata is geneem kort nadat hy in Januarie 2007 onder die invloed van alkohol bestuur het en deur die tuinmuur van 'n huis in Sandton gebars het.

Die foto van Nkola Motata is geneem kort nadat hy in Januarie 2007 onder die invloed van alkohol bestuur het en deur die tuinmuur van ‘n huis in Sandton gebars het.

Regter Nkola Motata, wat in 2009 aan dronkbestuur skuldig bevind en al sedert 2007 op spesiale verlof is, het misluk in sy jongste poging om die regterlike gedragstribunaal se ondersoek na hom ongrondwetlik te verklaar.

Regter Dhaya Pillay het Motata se aansoek Dinsdag in die Noord-Gautengse hooggeregshof met koste van die hand gewys.

Motata wou die ondersoek na hom ongrondwetlik laat verklaar, nadat AfriForum en ander partye klagtes teen hom ingedien het. Hy moes in Junie 2013 voor die tribunaal verskyn, maar dit is uitgestel nadat hy die aansoek gebring het.

Michael Masutha, minister van justisie en korrektiewe dienste, het verlede jaar in antwoord op ʼn parlementêre vraag van die VF Plus, bevestig Motata is steeds op spesiale verlof en ontvang sy volle salaris. Volgens Masutha is nagenoeg R14 miljoen [R13 919 611,36] vir die periode van 1 Januarie 2007 tot 31 Oktober 2016 aan Motata betaal.

Indien die regterlike kommissie teen Motata bevind, sal hul aanbeveling om hom te verwyder na die Nasionale Vergadering verwys word. Pres. Jacob Zuma sal Motata moet afdank indien twee derdes van die Nasionale Vergadering ten gunste daarvan is.

Dit was nie onmiddellik duidelik of Motata van plan is om teen Pillay se uitspraak te appelleer nie.

Lees alle vorige berigte oor Nkola Motata op Maroela Media.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

23 Kommentare

jongste oudste gewildste
marianna

Ai ai ai ai

Herman Smit

Dis n skande! Ek en jy betaal n dronk (skuldige) tegter byna R14mil om by di huis te sit!! Hy moes daai tyd al afgedank gewees her! Gin wonder ons belasting is so hoog nie!

Johann

Ek wil baie graag weet hoe dit enigsins moontlik is? Wie laat so iets toe? Wat is die kostes van soortgelyke gevalle? Absurd!

m

Hierdie skepsel gaan niks oorkom nie daarvoor sal zuma sorg

Jones

Ek wil ook mos by die huis sit en net elke maand geld ontvang om so te doen
Lekker man