Dronkbestuurder ‘allergies’ vir hof

Die besope taxibestuurder, wat hier in hegtenis geneem word, het sy eie en nog 17 mense se lewe in gevaar gestel. Foto: Stad Kaapstad

Die Kaapse verkeersafdeling sê hy het die naweek ʼn dronkbestuurder aangekeer wat ʼn gewoonte van dié oortreding begin maak.

Die verdagte, wat vir die derde keer weens dronkbestuur aangekeer is, was een van die 124 motoriste wat die verkeersafdeling en die Kaapse metropolisie die naweek in hegtenis geneem het.

Die vermeende gewoontemisdadiger is aangekeer tydens ʼn optrede wat spesifiek op dronkbestuur en straatrenne in die omgewing van Manenberg op die Kaapse Vlakte gemik was.

Nadat hulle hom aangekeer het, het beamptes vasgestel die 27-jarige inwoner van Nyanga word gesoek op twee uitstaande lasbriewe nadat hy nie in die hof verskyn het op twee ander aanklagte van dronkbestuur nie.

“Dat dié man die vermetelheid het om die wet so blatant te minag deur sy hofdatums te ignoreer en voortgaan met sy swak gedrag, verbaas my nie regtig nie,” het JP Smith, burgemeesterskomiteelid vir veiligheid, gesê.

“Dis tekenend van ʼn probleem in die stad en die hele land wat geen mate van wetstoepassing sal kan hokslaan nie, tensy dit ernstige gevolge inhou. Dit help nie om mense in hegtenis te neem as die strafregstelsel verder aan nie die nodige doen nie.

Smith waarsku motoriste dronkbestuur hou ernstige gevolge in. “Dit kan jou lewe of iemand anders sʼn kos. En [om iemand se lewe te neem is] iets waarmee niemand wil saamleef nie.”

In ʼn afsonderlike voorval in wat begin lyk na ʼn tendens, het die dronkbestuureenheid wat lukrake asemtoetse uitvoer Maandagoggend ʼn taxibestuurder voorgekeer waar hy 17 passasiers in Airport Industria vervoer het.

Hy was net meer as vier keer oor die wettige perk vir bloedalkoholinhoud, nog een van vele gevalle in die laaste weke waar beamptes bestuurders van openbare vervoer aangekeer het omdat hulle onder die invloed bestuur.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

12 Kommentare

jongste oudste gewildste
IK

Maar nie allergies vir drank . . .

Pieter

Hoe durf hulle die taxi bestuurder aankeer , hulle is mos bo die gereg verhewe

Spike

Ag so werk afrika.

Wonder net

Nouas hof hom al 2 keer soek, het hulle nie sy adres. Seker nie, mos 7 gesinne in een huis of bestuur taxi maar eintlik nie n inwoner van SA nie. O ja vergeet, buitelanders meer regte as ons eie mense

Michelle

Vir so een vat die taxi of voertuig sit dit in skud (n pound) vat sy lisensie weg indien hy een het en gee hom swaar tronk straf, want as hy iemand se geliefde gaan dood ry gaan hy nie daardie pyn by die oop graf voel nie. Verkoop die voertuig na dertig dae en skenk die geld aan die slagoffer se families.