Droogte-krisis: Kaapstad oorweeg noodskemas

Kaapstad (argieffoto) Foto: HPBotha, Pixabay

Kaapstad (argieffoto) Foto: HPBotha, Pixabay

Die stad Kaapstad het Maandag gesê damvlakke het tot 28,6% gedaal, wat 1,4% laer is as die vorige week. Met 10% van ʼn dam se water wat nie bruikbaar is nie, is daar dus effektief slegs 18,6% water oor vir ongeveer 103 dae teen die bestaande gebruikersvlakke.

Die gebruik die afgelope week was ongeveer 750 miljoen liter water per dag. Dit is 50 miljoen liter water per dag meer as die doelwit van 700 miljoen liter water per dag.

Xanthea Limberg, burgemeesterskomiteelid, het gesê die Stad Kaapstad bedank inwoners wat deurgaans nuwe maniere vind om water te bespaar. “Maar ons moet eenvoudig baie nader kom aan die gebruiksdoelwit.”

Die stad het reeds ʼn plaaslike ramptoestand verklaar as gevolg van die droogte. “Ons is in die middel van die ergste droogtes van die afgelope eeu. Kaapstad is ʼn skaarswaterstreek en voel die impak van klimaatsverandering met ʼn toename in die gereeldheid wat droogte voorkom.”

Sy het gesê die afgelope twee jaar se droogte het ook boonop watervloei na die damme in die Wes-Kaapse waterverskaffingskema beperk. “Die damme sal moontlik uiters lae vlakke bereik teen die aanvang van die winter en sal waarskynlik nie bevredigend herstel indien ʼn laer as gemiddelde reënval hierdie winter plaasvind nie.”

Die stad se gebeurlikheidsplan sluit verdere beperkingsmaatreëls en die moontlikheid van beurtwater in om water te beperk indien damvlakke tot gevaarlike vlakke daal. Dit sal noodaanskaffing van bykomende toerusting vereis met bykomende bedryfsuitgawes.

Die stad beplan ook om sy eie waterhulpbronprogram te versnel om watervoorraad te verhoog. Patricia de Lille, uitvoerende burgemeester, het vroeër vandeesmaand ʼn plaaslike ramptoestand verklaar om die verskeie kleinskaalse noodwaterverskaffingskemas te versnel.

“Aktiewe bystand word van die provinsiale en nasionale regerings vereis om die situasie doeltreffend te bestuur en die welstand van ons gemeenskappe en die ekonomie te beskerm,” het Limberg bygevoeg. “Dit sluit tegniese bystand, finansiering en prioritisering in om sonder vertraging versagtingsmaatreëls te implementeer.”

Die stad oorweeg die instelling van verskeie kleinskaalse korttermyn-noodwaterverskaffingskemas:

– Noodboorgate in Tafelberg se ondergrondse waterbronne wat ongeveer 2 miljoen liter water per dag kan lewer
– Kleinskaalse seewaterontsoutingsaanleg aan die noordwestelike kuslyn wat 2 miljoen liter water per dag kan lewer
– Intensifisering van die stad se waterdruk en waterbehoefte-programme om watergebruik verder te beperk

Indien die reënval hierdie winter weer laer is as gemiddeld, sal die stad die bogenoemde noodskemas uitbrei en soos volg versnel:
– Nóg boorgate in Tafelberg se ondergrondse waterbronne vir ʼn bykomende 10 miljoen liter water per dag
– Uitbreiding van die seewaterontsoutingsaanleg vir ʼn bykomende 2 miljoen liter water per dag
– Kleinskaalse water-hergebruiksaanleg vir ʼn bykomende 10 miljoen liter water per dag
– Putte in die Kaapse Vlakte se ondergrondse waterbronne wat gesamentlik 5 miljoen liter water per dag kan lewer

Die kapitale koste van die noodskemas word tans op R315 miljoen beraam oor drie finansiële jare (2016/17 tot 2018/19). Die stad se departement van water en sanitasie sal die projekte grootliks finansier deur interne herprioritisering.

Inwoners kan die stad kontak deur ʼn e-pos te stuur aan [email protected] vir navrae of om oortredings aan te meld (bewyse moet aangeheg word om die stad se wetstoepassers by te staan) of stuur ʼn SMS aan 31373.

Besoek die stad se waterbeperkingsbladsy.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

22 Kommentare

jongste oudste gewildste
Rynhardt

Die Stad Kaapstad met DA bly in ontkenning leef.Nes Kaapstad het Nelson Mandelabaai ook waterprobleme.Oopgrense moet gesluit word, want SA bloei met mening van binne.Jou natuurlike bronne gasn onder groot druk verkeer! Ekskuus, netnou word oopgrense ook n groot “issue” soos Kolonialisme en aoartheid.Polities Korrekheud het talle blind gemaak vir die waarheid.

Anon

Verlede jaar wat die Kaap meer reen gehad het en die res van die land droogtes beleef het, was daar trokke water opgestuur , ons het gehelp, waar is ons hulp? Damme loop oor, riviere bars hul walle… Calvinia se damme is leeg, daar is net boorgat water… Waar is ons hulp? Vergeet hul so vinnig!

Johann

Ek skryf hierdie krises aan swak bestuur toe, die mense weet niks van “plan, organize, lead and control” af nie, die oomblik as alles klaar is, dan wil hulle rond spring!!! Dan is dit te laat

Henry

Die ANC se stemvee wat maandeliks in honderde-duisendetalle van die Ooskaap ingevoer word om die DA te ontsetel, is die grootste enkele rede vir die water krisis.
Waarom die DA nie hierdie Polities Inkorrekte feit openlik wil erken nie, is seker deel van hul verkiesingstrategie, of hoe???

Tania

Hoeveel water gaan nie verlore met brande wat geblus moet word nie? Die meerderheid bespaar in ons omgewing maar die brandstigters en inkommers sien net see en dink dit is water. Of is hulle so gewoon dat daar nog altyd voorsien is, dat hulle net weer bakhand gaan staan. Media neem hulle hartseer gesigte af want droogte raak net hulle. Wanneer vat almal die hand en besef ons moet versigtig met natuurlike lewensbronne werk?