Die eerste behoorlike reën in vyf jaar het gister in dele van die droogtegeteisterde Noord-Kaap uitgesak.
Volgens inligting deur die Suid-Afrikaanse Weerdiens het dit Donderdag in en om Vanwyksvlei tot soveel as 40 mm gereën. Griekwastad het Maandag op plekke tot meer as 25 mm reën gekry en in Kimberley is 10 mm reën Maandagmiddag gemeet.
Maroela Media het dié gebiede verlede week besoek as deel van ʼn droogtetoer. Toe het boere aan Maroela Media vertel hulle moes meer as die helfte van hul kudde afstaan weens die droogte en dat boervroue hul mans se wapens wegsteek uit vrees dat hul donker gemoed die oorhand kry.
Deon Oberholzer, ’n inwoner van Vanwyksvlei, sê die mense op die dorp sien die reën as ʼn positiewe teken. “Die inwoners se gemoed is baie beter. Hierdie is ʼn begin wat ons hoop sal aanhou. Ons hoop en bid vir opvolgreën, nie net op die plase nie, maar in die hele omgewing.”
Volgens nog ʼn inwoner van Vanwyksvlei is daar plase wat ongeveer 25 mm reën gekry het. “Sommige gedeeltes is nog net stofnat, ander gedeeltes is al lekker modder. Die wolke lyk nog belowend. Dit gee ʼn mens weer hoop”
Nicol Jansen, president van Agri Noord-Kaap, sê hulle is net so dankbaar vir die eerste reën wat in die Vanwyksvlei-distrik en ander dele geval het, veral omdat hy ook presies ʼn week gelede daar was en so intens bewus geword het van die enorme nood weens die rampdroogte. “Ons het egter nog ʼn baie ver pad om te stap om by die gemiddelde reënval van 180 mm per jaar uit te kom om die nodige verligting te bring. Dit is ook broodnodig vir die veld om te kan herstel. Ons sal steeds doen wat ons moet en voortgaan om droogtehulp in daardie omgewings te voorsien totdat daar weer genoeg natuurlike weiding in die veld is,” sê Jansen.
Koos van der Ryst, nasionale voorsitter van die Rooivleisprodusente-organisasie, sê produsente is baie dankbaar vir die reën. Die wydverspreide reën in die noorde van die land behoort druk op die markte te verlig, terwyl sekere droogtegeteisterde gebiede ook reën gehad het. Hy sê sommige van die plase in dié omgewing het egter steeds nie ʼn druppel reën ontvang nie.
“Droogtehulp en -ondersteuning bly noodsaaklik in die droogtegebiede waar dit nog baie tyd gaan neem om te herstel en nog baie reën broodnodig is.”
Hy sê nóg positiewe nuus vir die vleisbedryf is dat daar in die afgelope week nie nuwe uitbrake van bek-en-klouseer was nie. “Die volgende 21 dae sal bepalend wees om beheermaatreëls te heroorweeg. Ten spyte van bek-en-klouseer kon ons handelsvennote oortuig word dat die siekte se verspreiding onder beheer is, en dat uitvoere onverstoord kan voortgaan,” sê Van der Ryst.
Wonderlik. Ons bid nogsteeds vir meer
Innig dankbaar. Ons bid saam met die boere vir oorvloedige reën en ons Vader se seën op elke droë stuk grond. Mag julle oeste groot wees.
Amen. Prys die Koning van die hemelse leerskares!
Dankie Heer, U het geantwoord! Stuur vir hulle nog meer sodat hulle weer moed kan skep vir die toekoms”
Amen.
AMEN
Dankie Heer Jesus.
Wonderlike, inspirerende nuus!
Dankie Heer!!
So dankbaar, dankie Vader.
Prys die Heer!
Watter wonderlike gesig – kan dink hoe dankbaar Boere moet wees. Hartverskeurend om saans op Nuus te sien hoe maer en swak die Diere is. Amen.
Die krag van gebed in aksie!! Dankie, dankie Vader…
Maak my so gelukkig. Ons bid vir oorvloed
So dankbaar vir die wat reën gekry het. Sal nog bly bid vir almal en sommer nog baie reën.
Loof die Heer!! Ons bid vir sagte deurdringende reen.
Dankie Liewe Heer vir u seën
Prys die Heer!!
Voordat almal nou te bly raak: onthou net onteiening sonder vergoeding lê nog voor en kan so gou as oor 1 jaar begin.
U genade is genoeg vir ons.
Prys die Here
Prys die Heer!
Kan ek net iets sê sonder om asb as negatief uitgekryt te word. Ek is saam bitter dankbaar vir die reën, maar dit reën nie gras nie. Ek hoop eerlikwaar dat daar nog genoeg sal kom sodat die veld deurlopend water kry om kans te kry om genoegsaam te herstel en ook dat ondergrondse are genoegsaam gevoed en aangevul word
Inderdaad! Ek was gister in die Winton-omgewing, so 60 km anderkant Kathu. Dit het nog nie daar gereën nie, en dit gaan jare neem voordat die veld herstel, selfs al sou dit nou goed reën. Ek het beleef hoe opgewonde ‘n bottel kitskoffie ‘n gesin kan maak. Ons moet aanhou help want die mense in daardie gebied kry bitter swaar!
Stokkies snaaks ek sit nou net en dink behalwe voer moet daar nie ook saad gegee word om meer saad in die grond te kry so as dit reen daar meer gras ens kan wees nie
Weet net nie waar en hoe
hierdie wys ons meer net weer die Here sal ons nie verlaat en sy hand is orals Sterkte aan al die boere die wat al reen gekry het en die wat nog elke dag die horison dophou
Wonderlik, ek het geweet my droogte pakkie gan iewers reën heen vat. Dankie LIEWE HEER.⛈️????
Dankie Here Jesus vir die genade water….seen die mens en aarde met deurdringende reen waar dit so bitter nodig is….versterk elke boer en sy gesin U Heilige Naam ter Ere
Dank die HEEL GROOT VADER.
“Dankie, Liewe Heer. Mag ons n Nat Kersfees, beleef”.
Baie dankie Here, stuur asb nog reent vir hierdie droe streke. Hou U beskeremde hand oor hier die mooi land van ons. Amen
Ek is so dankbaar vir die reën maar daar is boere van Griekwastad wat nie eers kon meet so min was dit gewees. Ek bid dat die Liewe Vader vir ons nog reën kan stuur.
Dankie, dankie Liewe Vader.
Ons hoop op nog baie veel reen ,prys die HEER
Water is soe LEKKER!!
Kan my net indink hoe daai diere bok spring van vreugde
Dankie Here
Dankie Liewe Vader ons glo daar sal nog baie reen val.